COMPROMISO COS TRABALLADORES:

Na empresa sempre apostamos pola continuidade e permanencia, factor básico para a transmisión dunha cultura.

Como empresa de marcado carácter familiar, non é extraño que o posto de traballo se transmita de pais a fillos, tanto a nivel de dirección como de fabricación. A maioría do persoal está composto por mulleres con unha longa experiencia, moitas delas desenvolveron toda a súa vida laboral na empresa, de maneira que algunhas levan preto de 50 anos connosco.

É o caso de Felisa Torrado, á que con ocasión do seu retiro para se acoller á xubilación após 51 anos de traballo ininterrumpido na empresa, APL lle entrega a medalla conmemorativa

COMPROMISO CO AMBIENTE:

A responsabilidade da empresa non se esgota no seu día a día. Se erguemos a vista, queda claro que todos somos copartícipes dunha empresa común: manter a variedade e riqueza do mundo. Por esta razón a empresa coopera con diversas asociacións apoiando o seu traballo voluntario na conservación do patrimonio biolóxico e cultural do país

Neste sentido ONGs tais como CEMMA, AGCT ou DROSERA reciben a nosa colaboración para levar adiante os seus proxectos relacionados co ambiente

CEMMA- Coordinadora para o Estudo dos Mamíferos Mariños: é unha ONG galega que ten como obxecto o estudo dos cetáceos, tartarugas e demáis animais mariños que frecuentan as augas costeiras de Galicia, tendo ademáis ao seu cargo a asistencia e recuperación daqueles individuos que varan nas súas costas. Na actualidade Conservas Antonio Pérez Lafuente patrocina un estudo das poboacións costeiras de golfiños mediante fotoidentificación.

Asociación Galega de Custodio do Territorio: división local dun movemento internacional que pretende implicar aos propietarios e usuarios da terra – agricultores, gandeiros- na conservación e bo uso dos recursos naturais, culturais e paisaxísticos. Conservas Antonio Pérez Lafuente é o seu primeiro socio benfeitor.

Asociación Drosera para o estudo e conservación do medio natural de Galicia: están especialmente implicados no estudo das poboacións locais de morcegos. Conservas Antonio Pérez Lafuente colabora aportando fondos para a elaboración un Atlas dos morcegos de Galicia.